Venerius of Tino (Tyro)

Saint and Dragon Date of Text Citation Text/edition Language Translation
Venerius of Tino (Tyro) and the Dragon of Luni early xv AD Vita S. Venerii, Eremitae in Tyro Majore p.116 AASS AASS Sept. iv, pp.115-20. BHL no. 8535 Latin  –

Erat autem prope Lunensem civitatem draco ingens, [Horrendum draconem] qui diversa detrimenta hominum faciens, carinas advenientium subvertebat. Cumque crebro innumerabilium hominum multitudinem occideret, & nulla arte tam sævissimam pestem valerent effugere, necessitate compulsi unanimiter ad Lazarum episcopum, qui tunc Lunensem cathedram regebat, accedunt; precantur humiliter, ut illis in tali necessitate constitutis misereatur, ut suo sacro fulti auxilio crudelissimam bestiam effugerent. Anxius autem archiepiscopus accersito diacono suo mittit ad B. Venerium, rogans, ut suis precibus draconem expellat. Veniens itaque prædictus archidiaconus, jussa, quæ mandabat episcopus, depromit. Quo audito, Vir Dei exterritus, ait: Quare dominus meus episcopus talia mihi mandat, cum nullius sim meriti, ut hoc miraculum facere queam? Cumque is, qui advenerat, archidiaconus instaret, ut precibus & jussionibus episcopi obediret, respondit: Nequaquam ego hoc facere conabor; quia nullius meriti me esse comperio, ut talia facere queam. Archidiaconus autem navim ascendens, venit ad episcopum, & quæ in responsis accepit, reportat.